ရေစစ်ပမာ ပြောနည်း (၉)

ရေတွင်နှစ်၍ ရေပြည့်လျှင် အပေါက်ကို လက်ဖြင့် ပိတ်ယူပါက ရေမထွက်နိုင်သလို တစ်ဖက်လူ၏ စကားကို ပိတ်မိအောင် ပြောဆိုခြင်းမျိုးကို ““ရေစစ်ပမာ စကားပြောနည်း”” ဟု ခေါ်ကြပါသည်။
(ဒီနေရာမှာ ရေစစ်ဆိုတာ သံဃာတော်များ တစ်ပါးသုံး ရေစစ်မျိုးကို ဆိုလိုပါသည်၊ ဒီရေစစ်ဟာ အများအားဖြင့် လက်ကိုင် မတ်ခွက်ခန့် ရှိပြီး အောက်ပိုင်း အဝကျယ်ပါသည်၊ အထက်ပိုင်းမှာ အရင်တုန်းက သုံးသော မြန်မာငွေ မတ်စေ့ခန့် အကျယ်ရှိပြီး လက်သန်းလက်သည်းခန့် အဝကျယ်သော အပေါက်ဖော်ထားပါသည်။
ထိုရေစစ်ကို ရေစစ်လိုသော အခါ ထိပ်ပိုင်းအပေါက်ကို မပိတ်ဘဲ လုံးဝလည်း မြုပ်မသွားအောင် ရေတွင်နှစ်ပြီး ပြန်ဆယ်သော အခါ အပေါက်ကို ပိတ်ပြီး ရေစစ်ရပါသည်)
ဤပြောနည်းကို ဥပမာပြရလျှင်-
တစ်ခါက လူငယ် လေးယောက်နှင့် အဘိုးအိုတစ်ယောက်တို့ ယုံတမ်းစကားပြောတမ်း ကတိသစ္စာပြုကြပါသည်။
တစ်ဖက်က ပြောဆိုသည့်စကားကို တစ်ဖက်က မယုံဟု ဆိုလျှင် မယုံသည့်ဘက်မှ အရှုံးဖြစ်ပါသည်။
ထို့နောက် လူငယ်များစကားဟာ ခပ်ပေါ့ပေါ့စကားမျိုးသာ ပြောကြားမေးမြန်းနိုင်သဖြင့် ယုံပါသည်ဆိုသော်လည်း အ န္တရာယ် မရှိပါ၊ ခပ်ပေါ့ပေါ့ အသွင်လောက်သာ ဖြစ်ပါသည်။
သို့သော် အဘိုးအိုကို မေးဖို့အလှည့်ရောက်သည့်အခါ အဘိုးက လူငယ်များကို ပြောကြားသည်မှာ ““သင်တို့ သည် ငါ့အိမ်တွင် မွေးခဲ့သော ငွေဝယ်ကျွန်များမှ ပေါက်ဖွားလာသူများဖြစ်သဖြင့် သင်တို့အားလုံး ငါ့အတွက် ကျွန်အဆစ်ကလေးများသာ ဖြစ်သည်””ဟု ပြောပြီး ယုံ မယုံ မေးသောအခါ လူငယ်များအတွက် မယုံဟု ပြန်ပြော လျှင်လည်း ကတိစကားအရ အရှုံးဖြစ်လိမ့်မည်၊ ယုံသည်ဟု ပြောလျှင်လည်း အလိုအလျောက် ကျွန်ဖြစ်တော့ မည်။
ထိုကဲ့သို့ တစ်ဖက်လူ ရှောင်လွှဲ မရနိုင်စေရန် ပိတ်မိအောင် ပြောဆိုခြင်းမျိုးကို ““ရေစစ်ပမာ စကားပြော နည်း””ဟု ခေါ်ကြပါသည်။

နောက်တစ်ခု တကယ့်အဖြစ်အပျက် ပမာပြရလျှင်-
တစ်ခါက ပုသိမ်မှ ဟင်္သာတအသွား ရထားပေါ်တွင် လူငယ်အရာရှိတစ်ယောက်နှင့် အဘိုးအိုတစ်ယောက်တို့ တွေ့ဆုံရာ လူငယ်က ခပ်ကြွားကြွားဖြင့် စကားများများ ပြောတတ်သည်ကို အဘိုးက ပညာပေးလိုသဖြင့် လူငယ်ကို “မင်းနဲ့ ငါ အပြန်အလှန် မေးမြန်းစကား ပြောမည်၊ မေးတာကို မဖြေနိုင်သူက လျော်ကြေးပေးစတမ်း”” ဟု ကတိပြုခဲ့သည်။
သို့ရာတွင် အဘိုးက လူငယ်ကို “မင်းက လူငယ်ဖြစ်ပြီး သွက်လက်ချက်ချာ ဗဟုသုတများသဖြင့် မင်းရှုံးလျှင် ၁၀-ပေးရမည်၊ ငါက လူအိုဆိုတော့ အိုမင်းရင့်ရော် မေ့တတ်နေပြီဖြစ်လို့ ငါ ရှုံးလျှင် ၅-ကျပ်သာ ပေးမည်”” ဟု
နှစ်ဦးနှစ်ဖက် သဘောတူခဲ့ကြပါသည်။
လူကြီး စတင်မေးသည့်အခါ လူငယ် မဖြေနိုင်သဖြင့် ၁၀-ပေးလိုက်ရပြီး လူငယ်မေးသည့်အခါ မဖြေနိုင်သဖြင့် အဘိုးအိုက ၅-ကျပ်ပေးလိုက်ရလေသည်။
ထိုသို့ မေးဖြေ သုံးကြိမ်မျှ အပြန်အလှန်လုပ်ပြီးသည့်အခါ လူငယ်မှာ ၁၅-ကျပ် ရှုံးပြီး အဘိုးကြီး၏ ပညာသား ပါသော အလောင်းအစားကို ရိပ်မိသွားပါသည်။
ဤကဲ့သို့ ပြောနည်းသည်လည်း ““ရေစစ်ပမာ ပြောနည်း”” ပင်ဖြစ်ပါတော့သည်။