လူတိုင်းမှာ ရည်ရွယ်ချက်ကိုယ်စီ ရှိနေကြပါလိမ့်မယ်၊ ကိုယ့်မှာလည်း ရှိပါတယ်။
ကံကောင်းသူများ အတွက် အချိန်တိုအတွင်း ရာနှုန်းပြည့် ထင်သလောက် ပေါက်ရောက်မယ်။
ကံမကောင်းသူများအတွက်တော့ အချိန်ကြာပြီး ရာနှုန်းပြည့် ထင်သလောက် မပေါက်ရောက်နိုင် ပေမယ့် ““၀ီရိယအကျိုး ကံထက်ဝက်”” ဆိုတဲ့ စကားလေးကို မဏ္ဍိုင်လုပ်ပြီး လုပ်ကိုင်ရမယ်။
တစ်ခါတစ်လေမှာ စကားလေးတစ်ခွန်းကလည်း အင်နာဗွန်စီ အားဆေးတစ်လုံးထက် အဆပေါင်း မြောက်များစွာ သာလွန်တာ အားပေးတတ်တာကို သတိထားမိကြမယ်ထင်ပါတယ်။
““ကံမကောင်းဘူးကွာ””ဆိုပြီး လက်မှိုင်ချကာ ထိုင် မငိုင်နေသင့်ဘူးလေ။
နောက်ပြီး အဆိုအမိန့်တစ်ခုကို ကြားဖူးပါတယ်၊
““၀ီရိယဆိုတာ အထက်တန်းရောက်နိုင်ရေး ထိပ်တန်းရောက်နိုင်ရေးအတွက် အဓိကကျသော သွေးကြောပင် ဖြစ်သည်”” တဲ့လေ။
ဘဝမှာ အထွတ်အထိပ် ရောက်သူတွေရဲ့ နောက်ကြောင်းကို ပြန်ကြည့်လိုက်ရင်
သူတို့တွေဟာ
၁။ အနဝသေသပယောဂ- အကြွင်းအကျန်မရှိ အလုပ်လုပ်ကြတယ်။
၂။ သက္ကစ္စကာရိတာ- ရိုရိုသေသေ အလုပ်လုပ်ကြတယ်။
၃။ သာတစ္စကာရိတာ- အမြဲမပြတ် အလုပ်လုပ်ကြတယ်။
၄။ စိရကာလာဒိယောဂ- ကြာကြာ အလုပ်လုပ်ကြတယ်။ (စရိယာပိဋက အဋ္ဌကထာ)
အဲဒါကြောင့် ဘယ်သူပဲ ဖြစ်ဖြစ် ကြိုးစားသင့်တယ်၊ ကြိုးစားရင် ဘယ်သူပဲဖြစ်ဖြစ် တစ်နေ့မှာ တစ်စုံတစ်ခုသော မှီခိုရာ အားကိုးရာကို ရမှာ ဖြစ်ပါတယ်လို့
အားလုံးကို အားပေးလိုက်ပါတယ်...။
No comments:
Post a Comment